【文匯網訊】大公文匯全媒體報道：香港特區行政長官林鄭月娥今晚（15日）在社交媒體發文，詳細闡釋提振經濟的措施。她在帖文中說：「下晝財政司司長陳茂波 （Paul M.P. Chan）聯同多位局長公布咗一系列紓困措施，幫中小企業面對轉差嘅經濟情況同減輕市民嘅生活負擔。我感謝過去一、兩個星期業界、勞工界同政黨向我哋提咗唔少有用嘅意見。正如我喺8月9號同33位各行各業代表開會後見記者時講，本港經濟情況非常嚴峻，同每一位市民都息息相關。」
她又表示，今日公布嘅措施，目的係紓困。要喺外憂內患嘅衝擊下回復元氣，當前最重要嘅係停止暴力，恢復社會秩序。近日香港多次出現以示威為名嘅暴力或者破壞活動，大家都感到十分痛心。她相信每一個珍惜香港嘅人，都唔會忍心見到香港被摧毀，因為香港呢個家你同我都「有份」，We all have a stake in Hong Kong！
她還說道，「有人將我早前回應記者英文提問時所講嘅 no stake in society 演繹成我認為示威人士都係喺香港 no stake 或者『無建設』嘅人，只係一個誤會。我當時嘅意思係除非有好少數嘅人因為覺得自己『無份』而不惜摧毀社會，香港嘅經濟發展對每一位香港人都好重要。香港目前嘅難關正正需要每一位市民共同應對。請大家一齊努力，讓香港盡快重回正軌。」
（大公文匯全媒體新聞中心供稿 圖：林鄭月娥fb專頁）
責任編輯：林犀