【文匯網訊】大公文匯全媒體報道：攬炒派內訌升級!日前「人民力量」譚得志(快必)出席所謂的「九龍東初選論壇」遲大到，話自己係為咗「幫手足着草去台灣」，咁就俾其他人追擊。其中前「香港眾志」秘書長黃之鋒當場訓斥快必唔應該在公開場講，又稱「畀我哋靜靜哋贏得唔得?」荃灣區議員岑敖暉更在fb炮轟，批譚「真心黐線唔係扮。為咗解釋『遲到』，可以擺一個，甚至是一大班手足嘅一生性命安危上枱，其實都唔係黐線咁簡單。」九龍西「初選」參選人馮達浚鬧佢「炫耀政績」;「港獨」分子、新界東「初選」參選人鄒家成亦話佢唔應該公開場合講;「青年新政」前成員黎耀駿亦講反話「多謝」快必，話佢「好×威」等等。
經佢哋一人一句鞭屍後，「手足」着草去台灣就變成更多人知，有攬炒派支持者見到成班豬隊友都冇眼睇，揶揄話「不如下次開Live着草啦!」
責任編輯：Iris