【文匯網訊】大公文匯全媒體報道：知名「黃店」膳心小館爆出刻薄員工的醜聞！攬炒派嘅「勞工組」近日就喺fb踢爆，話膳心小館早前炒人，但就屈對方係主動辭職，除咗7日代通知金都縮骨外，仲要扣埋佢500蚊獎金同逐分鐘扣嘅遲到罰款119蚊㖭。膳心小館先否認指控，仲恐嚇要法律追究打去查詢嘅「勞工組」成員！「勞工組」揶揄膳心小館︰「好大嘅官威呀！」
其後，「勞工組」公開一段事主同餐廳經理嘅錄音對話，踢爆「膳心小館」大話連篇。餐廳最後「跪低」認錯道歉，承諾會補發出代通知金。事主透過「勞工組」話，希望大家放下「黃店永遠是對的」嘅心態……面對黑白，「真係唔好盲撐！」
責任編輯：洋子