【文匯網訊】大公文匯全媒體報道：「黃店」又再扼殺言論自由！話說人稱「渣哥」的黃店「渣哥一九九六」老闆蔡強榮，近排於網上連環失手，先是無嗱嗱開分店搞「公投」，結果被踢爆係內定結果嘅假民主，惹嚟大批網民炮轟後，竟Block晒所有負面留言，最終連投票個post都刪埋，實行全面滅聲。面對呢場公關災難，噚晚就喺fb出聲明，指經開會後，正式宣布：「『渣哥』Fb/Ig呢一刻開始，由渣B(管理員)接手，『渣哥』將會被噤聲，唔可以再出Post，亦不能留言回應任何人，直至另行通知。」
帖文又話，公司上下並冇期望曾經被Block嘅人會輕易原諒「渣哥」……只係期望「渣哥」可以明白畀人Block的感覺喎。不過，網民就唔BUY喇，話「 借黃上位嘅人血渣終於比人認清」、「不分化個口號比你哋班渣衛兵玩爛哂啦」。有網民就話個post完全係《100毛》嘅風格，質疑呢條屎橋來自幕後大老闆《100毛》嘅班底。
責任編輯：洋子