【文匯網訊】大公文匯全媒體報道：攬炒派元朗區議員伍健偉早前為博出位，話如果一周內佢嘅fb專頁like數不及立法會議員何君堯，就會辭去區議員一職;截至昨日下午6點半，伍健偉嘅like數由約8000個暴漲至14.9萬，但噚晚何君堯fb嘅like數已升至16.7萬，真係輸足一條街。不過，伍健仲死撐唔認衰，聲稱「like數對我個人仕途，收入來講，並無任何重大意義……當然我也不可能單單為了一個讚好而賭上整個政治生涯。」一眾網民批評伍健偉走數，「誠信破產，講過嘅嘢可以完全唔認數，講到尾都係唔捨得5萬人工，同泛民冇分別，都係死政棍。」
伍健偉就貼長文轉而視線，宣布會將專頁改名為「新界西地區議政平台」，由議員同初選出線者共同管理;佢則會另起爐灶，重新建立個人專頁。最後仲有一串hashtag(標籤)，包括「好多人話我鬥唔贏係因為人哋會俾錢買Like」、「但其實由Day1開始我只係想香港人贏自己」喎。
責任編輯：Iris