【文匯網訊】 （記者 龔學鳴）「北極裡有一束光 你話留來伴我望」一講起冰島，自然就會諗起Juno嘅歌。冰島風光如畫，睇極光梗係行程之一啦！但香港地打工仔咁少假期，要飛一轉冰島或加拿大睇極光恐怕唔係一件易事。不過有好消息，就係太空館將於聽日開始上映一套全新嘅天象節目《夢幻極光》。
这個天象節目以電腦動畫展示極光產生的原理，並利用縮時攝影捕捉極光嘅千姿百態，配合冰川航拍片段、壯麗嘅極地影像和優美的新紀元音樂，讓觀眾喺球幕下享受獨有嘅極光體驗。節目全長二十七分鐘，映期去到十月三十日，每日放映兩場，時間分別係下午三時五十分和下午七時二十分。至於逢星期六、日及公眾假期加開下午十二時二十分一場。大家有興趣嘅，就記得去睇啦。
責任編輯：梁瀟瀟
