【文匯網訊】大公文匯全媒體報道：今日(20日)下午，數以萬計的香港各界人士齊聚金鐘添馬公園，參加「守護香港」集會。集會組織者最後報稱，約有31.6萬人參加活動。據悉，這是香港有史以來人數最多的集會。
大會發出宣言指，最近一連串的衝突、對立、撕裂，令香港引以為傲的法治受到衝擊破壞，大會呼籲各方停一停、諗一諗、傾一傾，冷靜下來尋找出路，共同守護香港，守護自己的家園。
香港社會各界人士齊聚金鐘添馬公園，參加「守護香港」集會(大公文匯全媒體記者曾慶威攝)
香港社會各界人士齊聚金鐘添馬公園，參加「守護香港」集會(大公文匯全媒體記者曾慶威攝)
「守護香港」集會宣言如下：
雖然我哋住係唔同嘅地方，做緊唔同嘅工作，甚至屬於唔同嘅世代，但香港係我哋嘅家!我哋要共同守護自己嘅家園!
最近一連串的衝突、對立、撕裂，令到我哋一直引以為傲嘅法治受衝擊、受破壞，一向盡忠職守嘅警員被毆打、被抹黑。我哋嘅家園烽煙四起，一片狼藉。而家嘅香港喺度流緊血，市民喺度流緊淚，我哋大家都十分痛心，亦十分憂心。
今日我哋行出嚟，就係要向全香港呼籲：大家係時候要停一停、諗一諗、傾一傾!
我哋唔要暴力!我哋唔要撕裂!我哋要法治!我哋要和平!我哋要安定!我哋要團結!
我哋深信：只要我哋堅守「一國兩制」，只要我哋支持特區政府依法施政，只要我哋大家同心同行，就冇解唔開嘅結，就冇打唔開嘅鎖。我哋呼籲每一位熱愛香港嘅市民，一齊冷靜落嚟，尋找出路，團結一心，守護香港!
(大公文匯全媒體新聞中心供稿)
責任編輯：張岩