【文匯網訊】大公文匯全媒體報道：抗擊新型肺炎，當下正是緊要關頭，香港醫護界一小部分人卻在WhatsApp群組或其他社交媒體上分享帖子煽動罷工，昨日(1日)更推動通過了一項「罷工表決」，雖然投票人數不足醫管局員工人數的4%，但已給這個極需同舟共濟的社會帶來一股陰冷的寒意。一位前線醫生見此氣憤不已，批評部分醫護人員的罷工行為，並指出面對不同病魔是醫生的職責。
「病人無分顏色，更加無分種族。病人只係得一種，就係病人。如果佢係病人，我哋就會去醫。就因為係咁，所以我哋就係叫做『醫護人員』。唔係隨便個個都可以做醫護人員。
當你罷工時候，當你請假嘅時候，你有冇諗過那些你聲稱『你好珍惜嘅同僚』因為你而要頂硬上!頂硬上個團隊要比平時做快兩倍至三倍嘅工作率。
我哋面對不同嘅病魔，係我哋既職責。你抽嗰支唔係叫做生死籤，唔好誇張表述。你嗰個係叫『當更表!』唔好話到自己咁偉大。SARS 時候大把外科醫生義不容辭為病人做檢查步驟，做手術。從來未退縮過。當到我哋出場嘅時候，我哋一定會上場!
你嗰啲遺書唔使咁早寫定。唔係遇到啲傳染性高，死亡率高嘅病，就埋怨話抽到生死籤。如果你係咁諗，其實你應該轉行，去做返啲冇咁高危既崗位。
我哋唔會post上Facebook，講一段懶係好感性嘅說話。當晒自己係明星。係做就做啦，唔使講咁多!」
(大公文匯全媒體新聞中心供稿 摘自：抗暴力醫護同盟FB)
責任編輯：京辰