【文匯網訊】大公文匯全媒體報道：46歲的馬國明昨晚（12日）被踢爆獨訪33歲的湯洛雯香閨後，凌晨兩人齊齊在IG上傳照片承認戀情，消息轟動整個娛樂圈，不少藝員好友都紛紛留言送上祝福。陳敏之、高海寧、鍾嘉欣、楊秀惠、岑麗香、蔡思貝、岑杏賢等都表現得非常雀躍，為這個好消息大為興奮，其中陳敏之直接催婚，叫兩人乾脆快點結婚生子，而李施嬅亦大讚兩人有「夫妻相」，希望可以終成眷屬。
今早剛剛認愛的馬國明和靚湯返將軍澳電視城開工。談到昨晚被影到拍拖斷正，二人均神態自若，馬國明說：「係啊！我地好自若㗎！因為之前有共識，幾時影到幾時講，無端端自己講又覺得好奇怪，好似做新聞咁。所以有呢一個共識，我哋都無避忌，其實我哋喺公司成日食飯，大家開緊工但係隔離廠。如果心水清會覺得奇怪，佢又放低劇組，我又放低班劇組，兩個人一齊食飯。咁無咩人問，我哋咪繼續囉，從來都無避忌。」
獲讚此共識相當成熟，變相關係亦十分成熟。馬國明說：「所以我都話，覺得係幾啱嘅一個人，大家私底下都覺得幾啱，所以先有呢個共識。如果大家好唔明確嘅話，當然唔會有呢個共識啦！我都年紀唔細啦，我成日都話唔會呃大家，係幾時到個位置。」
雖然馬國明嘴巴上說發展中也才剛開始不久，但其實他們都見過雙方家長。問到靚湯會否是結婚對象？馬明說：「其實我每一次都係諗下一步，我唔係拍散拖嘅人，從來都唔係，我唔會為拍拖而拍拖，唔會搵個人嚟消磨時間。將來睇下點啦，當然將來大家都唔知，但暫時覺得大家可以開展嘅對象。」問到媽媽是否開心又滿意靚湯，他好開心地說：「帶過佢返屋企食飯，媽媽都幾鍾意佢。」
提到前度黃心穎以訊息回覆傳媒：「我祝福佢身體健康、平安。佢私人嘅事留返畀佢私人。」馬國明說：「多謝佢，我真係好多謝佢。希望佢快啲搵到另一半，開開心心。」
責任編輯：Caroline