【文匯網訊】大公文匯全媒體報道：近日一位疑為議員助理嘅網民「Kai Kwong Chu」在fb開post，話自己同其他議辦同事畀人拖糧，又話如果要將件事講出街佢一定奉陪到底，畀市民知道「新晉」區議員點做老闆喎。但有媒體在詢問各方區議員後，都話唔識佢，甚至事主fb有同「屯門社區網絡」區議員曾振興同一個派漂白水活動嘅post，曾振興都話唔識佢。
根據事主fb嘅內容，佢可能係屯門居民，做過某位區議員助理，轉過「屯門社區網絡」區議員張可森同曾振興嘅post；另在fb有一張相顯示，佢有另一屯門區議員巫堃泰嘅議員月曆。記者曾接觸事主，但對方唔肯回應事件。對於冇區議員出嚟承擔責任，唔少網民都表示氣憤，話：「可能搞『初選』同『公投』搞到民政署唔肯幫佢哋claim（報銷）返錢，咪冇錢出糧嚕（囉），自己攞嚟衰，跟埋啲咁嘅老細，怨得邊個？呢啲咪真攬炒嚕（囉），好出奇咩？」
責任編輯：Grace