【文匯網訊】大公文匯全媒體報道：極黃的「渣哥一九九六」為宣傳扮搞「公投」，話要決定新舖位置，點知無啦啦加插咗董事投票佔五嘅環節，最終逆民意喺最少網民投票嘅地區開舖，結果當然俾網民炮轟內定結果扮民主。面對呢場公關災難，「渣哥」一開始以為刪除負面留言就可以滅火，點知反而將「黃絲」嘅怒火愈撥愈盛，燒到成個fb同「連登」都係，最終唯有刪晒所有關於開新舖嘅post，發篇道歉聲明了事。
「渣哥」噚日仲不斷發帖話買咗《蘋果日報》同點樣支持《蘋果》，仲親身去到蘋果大樓打卡刷存在感，企圖強調「黃店」身份並轉移視線，但就好似冇咩作用，一眾被滅聲嘅「黃絲」發起罷食行動。
責任編輯：洋子