logo 首頁 > 快訊 > 正文

初選鬧劇 反對派欲推Plan D

2018-01-24

【文匯網訊】(記者 甘瑜)反對派H所謂「初選」選完又想推翻結果,又攻擊又威脅下,原本係Plan BH民協老馮(馮檢基)前日只好宣佈退出唔玩,噚日接受電台訪問時更爆料話有「進步民主派」反對佢做Plan B,仲話如果老馮出選,一定會有人出選去同佢爭咁話。心水清H網民即刻諗起連日出聲想迫走老馮H「自決派」朱凱廸,面對俾人鬧自己卑鄙無恥,朱凱廸即刻出聲明話要澄清「不實指控」,話自己一直支持遞補機制,結果又引嚟一批網民留言「回帶」,強力證明根本就係佢三番四次開聲迫人走。另外,朱凱廸H聲明仲爆咗其實早於上星期三,「民主派幾位代表」同姚松炎已經諗緊由邊個做Plan D,一早就諗定Plan B同Plan C都走人。你話冇陰謀喎,真係好難信囉。

Plan C也隨時變「玩袁」

老馮俾反對派班人單單打打咗幾日、黯然退場之後,噚日上電台講返始末。佢喺唔同電台節目都講到,有「進步民主派」反對「初選」HPlan B遞補機制、有啲「重要人物」覺得個機制可變,仲有人同佢講「你出我一定出」,為免最終釀成反對派兩個候選人對一個建制派候選人H情況,佢就退出唔玩,希望平息風波咁話。

而個波就傳咗去民主黨Plan C袁(袁海文)度,但同時亦有傳反對派「大台」其實想另外搵人參選,老馮就叫Plan C袁唔好因此退選,如果唔係就違反「初選」精神喎。Plan C袁唔知係咪驚落得老馮H下場,噚日就話自己仲考慮緊利弊。

「民主動力」創會召集人鄭宇碩就聲稱,「民動」冇打算改變機制,而因為老馮係退出,遞補機制冇講清楚點樣處理,所以今日會開會討論。他又話,非常感謝馮檢基及民協咁樣做,「深信」佢係為咗團結喎。至於係咪Plan C袁頂上,佢就話自己理解係咁,但反問如果袁和民主黨「有意見」又應該點做,再打埋開口牌話相信Plan C袁都希望自己得到各黨各派支持。

咁樣講法,係咪即係Plan C袁都隨時變「玩袁」呢?朱凱廸噚日個澄清聲明就提供咗幾條線索︰一就係「民主派幾位代表和姚松炎」上星期三已開會,話要另外搵個Plan D,如果姚松炎被DQ,Plan B、Plan C都唔v,就要由佢補上,大家都有咗共識;二就係反對派入面對遞補機制真係有分歧;三就係佢真係有份「商討」㗎。

網民不齒朱凱廸「失憶」

連日狠批反對派反口H教協總幹事馮家強隨即出文質疑朱凱廸個聲明,「為何要突然討論Plan B和Plan C都不出選的Plan D?是不是預見有任何突發事件令Plan B和Plan C都會一齊退出?」佢又質疑,件事關朱凱廸咩事,而佢聲明內容又點解同之前報道唔同呢?

民主黨H黎敬瑋亦喺馮家強篇文留言話︰「所以就好努力逼退馮,下個到袁,然後就可以叫Plan D出場,一定係,除非唔係。」

咁網民點睇朱凱廸H聲明呢?「Michael Tsui」忍唔住話︰「講多錯多就係呢種。」「Jim Lei」指出︰「馮檢基有使錢選,有認認真真做準備,現在說不做備選,不是被逼退是什麼?欲蓋彌彰......」

對於朱凱廸喺個聲明度失咗憶咁話自己一直支持遞補機制,唔少網民就留言「回帶」,指出佢啱啱個星期日先話「認為此事不能只有『跟機制』一個行事標準,亦要同時考慮勝算,及維持初選投票市民的士氣。在『初選』投票的市民,很多就是不希望馮檢基成為民主派代表......」所以話,你又信唔信朱凱廸篇「澄清」啦?

責任編輯:于岄鳴

新聞排行
圖集
視頻