【文匯網訊】大公文匯全媒體報道：自從一眾攬炒派中人上任區議員，更令社會明白何謂「官威」！東區區議員仇栩欣日前喺網上發布一則有關區內五金回收舖霸佔迴旋處及發出噪音嘅帖文，俾網民批評佢想趕盡殺絕。
佢接受網媒訪問時就話同店舖負責人溝通後，對方反應都「OK」，又話「並非存心打壓小商戶」，聲稱「一直與各持份者有良好溝通」，點知五金舖老闆娘就爆料話自己冇接觸過仇栩欣，更哭訴「畀條生路行吓」。仇栩欣死死氣地喺fb道歉話自己冇講清前因後果，不夠敏感，作為區議員責無旁貸。不過佢就堅持唔會「偏幫於一方的弱勢」喎。網民當然唔放過佢，質問佢︰「你點解唔同當時（事）人商量先？」
(大公文匯全媒體新聞中心供稿)
責任編輯：一粟