微博截圖。
【文匯網訊】本網報道，37歲的鍾欣潼(阿嬌)同33歲台灣「醫界王陽明」賴弘國，拍拖4個月後火速訂婚。
阿嬌今日凌晨於微博大晒相，表示今個農曆年生日收到鑽戒，目測鑽戒3卡左右，阿嬌仲要戴喺無名指度，佢留言：「下一站幸福。」阿嬌答應男友賴弘國求婚，喺農曆生日呢個開心日子宣布喜訊! 而好姊妹蔡卓妍也立即在IG送上祝福，佢晒出兩人合照，並留言：「千言萬語～在心❤❤」
经理人Mani接受訪問表示:「好開心知道呢個消息，因為其實我都等左今日好耐，希望阿嬌永遠幸福。其實阿嬌是一個非常，非常值得人愛的女仔，佢亦都係心地非常好的好仔，希望佢的另一半能讓佢永遠幸福。令佢永遠都會有愛的感覺。」
阿嬌今日下晝6點，佢就會出席惠英紅的生日會，同大家親自交待收鑽戒的開心事!
阿嬌去年十月因到台灣拍劇，同比自己細4年的賴弘國爆出戀情。隨後新男友賴弘國個人資料被深扒，沒有想到賴弘國曾有過一段失敗的婚姻，早年同有「空界林依晨」之稱嘅前空姐趙筱葳結過婚，但結婚半年就宣布離婚!之後同阿嬌戀情曝光之後，賴弘國被發現有個「G奶老婆」Wendy，對方仲以「老公」稱呼賴弘國：「半年見一次老公，畢竟他事業做太大。」
責任編輯：京辰
