暴徒不斷堵路、掟磚、縱火，不只影響市民日常生活，亦打爛許多打工仔飯碗。（大公報）
【文匯網訊】據大公報報道，外賣平台近年如雨後春筍湧現，造就網絡外賣市場蓬勃，惟今年長達四個多月的暴亂嚴重衝擊食肆生意，外賣仔生意也大跌六成。加上經濟不景，不少外賣平台疑為節省成本，紛紛把旗下外賣仔轉為自負盈虧的「個體戶」，勞工權益不受勞工法例保障。雙重夾擊下，外賣仔為了保住飯碗，不惜冒險送外賣，在火彈磚雨中穿梭，或行十多層樓梯，只為賺取每張單三元的血汗錢。
「網上外賣平台幾年前喺香港仲算新興行業，初時入行人數唔多，都搵到錢。但你都知，一場暴亂令到經濟大插水，大量食肆倒閉，啲人又無再咁豪爽成日叫外賣。我哋呢份工無底薪，要逐張單抽佣，依家咁嘅環境，收入足足跌咗六成，生活拮据。」48歲的阿豪中五畢業，曾任電視台初級攝影師，三年前離開電視台。眼見外賣仔返工時間靈活，自己又有電單車牌，決定投身外賣仔行列，並加入至少五間不同的網絡外賣平台，透過手機程式鬥快搶單接生意。阿豪透露，勤力時月入逾四萬元。
遇衝擊口水鼻涕流不停
然而，連月暴亂打爛無數人飯碗，「我主力接港島區嘅訂單，但呢幾個月，銅鑼灣、金鐘一帶好多時有暴力衝擊，又打鬥又放汽油彈。我試過有一次要將個外賣由北角送去中環，因為暴亂要不停兜路，足足兩個鐘都未送到。邊送外賣，啲口水鼻涕不停係咁流。經濟唔好，你唔做咩？大把人爭住做；為搵兩餐，只好頂硬上。」
阿豪苦笑說，近來「騎兵」人數增加，公司疑諗縮數，把旗下外賣仔轉為自負盈虧的「個體戶」，以避開為外賣仔購買勞工保險，「我每月收入大減六成，只好靠日踩十幾個鐘拉上補下。」
現時約有二萬人任職外賣平台的外賣仔，七成是駕駛電單車的「騎兵」，其餘是「步兵」。《大公報》記者為體驗外賣仔的辛酸，早前貼身直擊阿豪全日的送餐情況。
行十多層樓梯日曬雨淋
當日，上午七時許，阿豪駕駛「綿羊仔」送兒子上學後，到鰂魚涌一個電單車「排骨位」開始等候接單。他專注留意手機屏幕，汗流浹背亦渾然不覺。等待近半小時後才成功「開單」，前往就近連鎖快餐店領取食物，再送到數分鐘車程的屋苑單位。
中午十二時至二時的午飯黃金時段，阿豪為爭取更多訂單犧牲自己午飯時間繼續送餐。有時運氣欠佳，他需連續多次送餐到沒有升降機的唐樓，「大熱天時，行一次樓梯爬十幾層唔緊要，最慘係不停來回行上行落，真係鐵人都會腳仔軟。但為賺每張單三蚊至幾十蚊不等嘅血汗錢，點辛苦都要捱落去。」下午二時過後，阿豪才有機會坐下來喘口氣，吃吃午餐，稍事休息，「有單接好過無單接，食無定時，呢行有好多人都捱到有胃病。」他稱下雨天工作時更慘，渾身濕透，即使換衣服亦無補於事。
去年八月，阿豪跨區到旺角送外賣後，電單車被盜，他欲哭無淚，「真係震驚到講唔到嘢，自己唔信邪，喺附近搵咗幾次先接受到架車畀人偷咗。」他說，寶貴的搵食工具和時間失去了，他更要額外花一筆錢購買另一部電單車，損失慘重！
責任編輯：喬一