【文匯網訊】據點新聞報道，呢頭喺「熱普城」陣營辣火頭，嗰頭又去踩傳統反對派兩腳，似乎「本民前」真係好鍾意「與世界為敵」。《明報》昨日刊出「本土民主前線」發言人偉哥仰(黃台仰)的訪問，內容稱黃台仰說要「修補與非建制派關係」，並以《黃台仰冀與泛民和好》為題。偉哥仰即刻割席都割唔切，強調自己「整個訪問都沒有說過『和好』二字」，又踩傳統反對派話「民主黨現在的立場仍可算是非建制派嗎?不了。」你有你劃清界線，「熱普城」繼續強攻︰「由前年同左膠大合照嗰一刻開始，黃台仰從來都係不斷流竄既(嘅)三姓家奴，一路走來，始終如一呀。」
《明報》該篇訪問稱，偉哥仰承認自己昔日「年少氣盛」、「樹敵太多」，在需要幫手時不夠朋友，希望同「泛民」修補關係，雙方日後少啲互罵。偉哥仰又喺訪問度質疑「泛民」冇支持「青政」打官司，但又話覺得非建制派中「泛民」、「自決」、「本土」可以有唔同分工。你有你無限暢想，《明報》同時問埋民主黨立法會議員尹兆堅，但尹兆堅就話「雙方合作空間很少(小)」。
黃台仰明顯對《明報》報道不滿，即刻facebook出post話自己從來冇講過要「和好」，又話佢哋「就此事訪問尹兆堅實為有點不妥」，再向民主黨踩返腳話︰「民主黨現在的立場仍可算是非建制派嗎?不了。」
責任編輯：Alina
