胡志偉重申絕不簽署確認書，更標註話「時窮節乃見」、「不為議席掉尊嚴」。 胡志偉fb截圖
【文匯網訊】攬炒派「初選」中「勝出」的黃之鋒(河童)等「抗爭派」，日前聲稱要和同樣在「初選」中勝出的「泛民」商討在簽署擁護基本法、效忠中國香港特區的確認書時「齊上齊落」，企圖夾「泛民」上轎，詎料「泛民」中的民主黨主席胡志偉隨即發表聲明稱，自己不會簽確認書，更稱「不為議席掉尊嚴」，令「抗爭派」陣腳大亂。黃之鋒隨即發帖，不點名批評胡志偉「字裏行間」暗批其他會簽署確認書的候選人，是在初選過後「仍對同路人抱有敵視態度」。有「黃絲」狠批黃之鋒「自己破壞團結焗人陪佢縮，仲掉轉屈人」、「連簽唔簽確認書都婆婆媽媽，仲好意思學人講抗爭意志?」
包括黃之鋒在內、一批自稱「抗爭派」的立法會選舉參選者，大前日舉行記者會話要同「泛民」商討在參選時是否簽署確認書，「一係一齊簽，一係一齊唔簽」。民主黨副主席羅健熙隨即發帖批評呢批「抗爭派」：「『民主派初選』係想減少正式選舉時派系之間嘅爭逐分票，希望可以整個版(板)塊達到過半議席的目標。內部競爭已經喺初選裏面做咗，而家係同保皇黨競爭，咁簽唔簽仲有乜好拗?用呢樣嘢嚟你夾我、我又反夾你又有乜意思?」
乳鴿批「抗爭派」搵嚟拗
佢仲回帶稱：「梁天琦當年簽咗(確認書)、上年區選之鋒都簽咗，大家唔會質疑佢......簽唔簽確認書對我嚟講真係好枝節，亦唔會覺得簽就矮仔唔簽就好型。全部人簽係咪以後就唔會有抗爭?全部人唔簽係咪個政府就會好驚?唔係丫嘛。咁何需煞有介事去講簽唔簽呢樣嘢呢。」
其後，胡志偉同「人民力量」嘅陳志全同譚得志就發帖話唔會簽確認書，胡志偉仲喺fb發帖標註話「時窮節乃見」、「不為議席掉尊嚴」。點知黃之鋒就發難，話「簽署(確認書)與否不應淪為『民主派』互相比拚立場的辯題」，稱「簽不簽署至今仍未有國安法字眼的確認書，漸成所有候選人會見記者時，必定要回應的必答題。簽確認書與否，在選舉期間，容易被視作比拚激進取態的做法，這點尚可理解;但我擔心的是，即使初選過後，簽不簽署這種爭拗仍成為『民主派』互相指責的機會(這經已發生)」。
連登仔揭李嘉達借「本土」上位，卻屢獲攬炒「大佬」支持。圖為譚文豪和胡志偉為他撐場。 網上圖片
他更不點名批評胡志偉，「已有不只一位初選參與者，當中更包括政黨領袖，在社交媒體表明拒簽確認書。我想，表明立場是可以理解的，但若在字裏行間暗批其他會簽署確認書的候選人，爭論有否尊嚴，在『初選』過後仍對同路人抱有敵視態度者，並不會是廣大支持者樂見。」
唔少「黃絲」都睇唔過眼黃之鋒嘅霸道。「Wan Shong Zhao」踢爆：「論壇你同李嘉達勇武非常，大聲講我唔簽。嘩啦啦而(??)家嚟料啦要夾人，點知人地(哋)出post話唔簽，又唔啱心水。」
唔啱心水即發文批鬥
「Siu Fu Lam」就話：「唔好縮啦，記招又話要睇『泛民』表態先再決定簽唔簽，人哋表咗態咁你係同路人咪『齊上齊落』囉。依(??)家出篇文嚟暗指人哋鬥立場，咁樣反而變咗分化/你同人哋比較抗爭立場喎......」「衛銘琛」亦指：「自己率先搵借口攻擊同路人破壞團結，仲整定條罪倒轉笠落人哋度。你地(哋)自己想簽咪簽囉，焗人陪你搵掩護仲要屈人，仲要用『齊上齊落』黎(嚟)包裝自己!」
「Sharen SY」嘗試為黃之鋒開脫：「『人力』同民主黨嘅打手真係非常嘔心，一到選舉咩『不分化不割席不完美可改善』全部拋諸腦後，互相批鬥嘅最終得益者係邊個?」「Zacchaeus Rock Li」反駁：「然後(抗爭派)開完記招要飯民表態，之後『快必』同胡志偉唔簽，就話返飯民夾佢?」「Gesta Popo」亦道：「你哋夾人簽抗爭聲明就大大聲，而(??)家自己俾人夾返轉頭就話要傾?政棍!」
攬炒派「鬼打鬼」 社福界「三人隊」
攬炒派喺社福界嘅立法會參選人傾唔掂，香港社會工作者總會副主席張志偉，同本身係社工嘅屯門區議員曾錦榮及九龍城區議員曾健超三人未能「協調」，或將一同參選。有媒體報道話社總俾「本土派」同社福界夾擊，而社總因為擔心無法確認選民身份，終令該界別未能參與戴耀廷「初選」協調喎。曾錦榮喺報道中仲點名話社總立場傾向保守。被控暴動罪、公開撐張志偉嘅「陣地社工」陳虹秀就不點名批評曾錦榮「請唔好濫用『本土』同『抗爭』呢D(啲)字」。社總亦大發牢騷，堅稱社總一向支持「初選」，俾網民笑係「鬼打鬼」。
據有關報道指，張志偉、曾錦榮同曾健超喺6月中旬嘗試協調，甚至尋求戴耀廷出手籌辦「初選」，但竟係因為社總認為活動未能百分百確認社福界選民身份。由於遲遲未傾妥，「初選」最後胎死腹中，3人遂敲定各自報名參選。報道仲引述曾錦榮話，「初選」結果雖然可以反映「本土派」獲得支持，但點名話社總「立場傾向保守」，而業界不乏「舊派」選民，自己未必能獲得他們青睞。
陳虹秀喺睇完篇報道就發老脾：「點解我死都唔會參與政治選舉，因為真係可以有人為咗參選而講嘢咁唔負責，對我嚟講，政治實在太黑暗。某人話社總傾向保守，佢有冇check過社總過去4年幾做過乜......」
佢繼續話：「社總係贊成初選，但明明某人都知係嚟唔切加入初選系統，咁唔通參選人自己搵義工，自己搵地方做票站，自己點票咩!反而社工嘅身份點會確認唔到，我哋最方便show張註冊證就得啦!真係激死，係大家傾時某人收唔到，定係某人表達問題，抑或係俾唔知邊份報章嘅記者斷章取義?」
陳虹秀直言：「我從來唔介意君子之爭，但唔該作為社工嘅人都要為自己講嘅嘢負返責任。......請唔好濫用『本土』同『抗爭』呢D(啲)字，唔係用把口講，係用實際行動，仲有請做好Fact check，做一個負責任嘅成年人。」
陳虹秀fb挑機 曾健超冇理
佢仲喺曾健超fb留言，問點解佢唔要求有關嘅傳媒澄清返，「如果係記者誤會咗你嘅意思，你應該解釋返社總係贊成初選，社工有註冊證，做認證都唔難，最困難係搵人做第三方，......你明明知戴耀廷同你講處理唔到社福界嘅初選，又搵唔到人去做第三方，咁先不了了之，但記者講另一個版本。如果記者屈你，識咗你都4年，你真係要澄清吓!」不過，曾健超就冇理佢。
梁傳孫暗諷戴耀廷無公信力
自稱係「初選」協調者嘅社總理事梁傳孫，其後喺社總facebook發長文回應話，有關報道「完全失實」，稱社總由始至終樂意參與「初選」，且三人均贊同舉行「初選」，只因未能搵到「有公信力及執行能力」嘅第三方主持，「初選」安排唯有作罷。咦，咁即係話戴耀廷冇公信力同執行能力?
梁傳孫又話曾健超曾與戴耀廷聯絡，戴稱因時間關係，未能在「初選」中加插社福界。曾錦榮提議用租用電腦系統及設置網上問卷平台，以登記及核實選民資料嘅方案，梁傳孫回覆話首要找到具公信力和執行能力的第三方，此後三方再沒有進一步商討。
網民「Yu Hin Ng」就「苦口婆心」道：「其實我好擔心，可唔可以真係協調，求下你地(哋)啦......隨時就係差呢一席。」「陳大文」一句踢爆社服界係「鬼打鬼」，寸佢哋話：「其實你地(哋)吾(唔)洗(使)寫咁長篇文章，邊個會咁得閒同你慢慢睇。一句講晒(鬼打鬼)。」
攬炒派累6民生項目夭折
今屆立法會最後一次大會於昨日落幕。由於攬炒派於今個年度的內務委員會故意拖延選主席程序，導致多項法案無法成立法案委員會並提交至大會審議，令昨日會議需一口氣處理11項積壓法案。多名政府官員和政治助理亦把握時間，在會議廳內外盡最後努力游說。他們坦言，政府非常重視行政立法關係，亦無分別之心，但無奈有人長期以政治掛帥癱瘓議會，岡顧民生經濟令廣大市民受害。多名不再競逐連任的議員亦慨嘆，部分議員的行為越來越偏激，令議會步履維艱，希望新一屆議會回歸理性。
立法會昨日舉行今屆會期最後一次大會，繼續審議因攬炒派拉布而積壓的議案，最終在建制派議員齊心合力下，迅速通過了5項法案，但仍餘下6項涉民生的涉案仍未審議，須留待下屆議會處理。
張建宗：排萬難通過重要法案
政務司司長張建宗昨晚特意到立法會向傳媒總結特區政府與立法機關的合作。他表示，政府非常重視行政與立法之間的關係，例加行政長官林鄭月娥增加出席立法會會議的次數，並加入「短問短答」環節，直接回應議員訴求，不論民生或經濟範疇亦積極回應，但當會期步入中期，議會受政治因素影響，行政與立法之間的關係急轉直下，甚至陷入舉步維艱的局面。
他續說，去年立法會大樓受到暴力衝擊，並因被嚴重破壞而無法運作。大樓經過數個月維修後，議會衝突卻未有減退，行政長官甚至無法宣讀最新一份施政報告，幸獲建制派議員、立法會主席梁君彥、財委會主席陳健波等努力排除萬難，成功通過多條重要法案。
建制老將：昔日為民生不分黨派
建制派議員在最後一次會議上紛紛發表告別感言。民建聯進出口界議員黃定光回顧16年議會工作時感觸良多。他憶述昔日在舊立法會大樓工作時，議會內的議員不分黨派，積極投入議會工作，並相當關注民生福祉，與現時充斥亂象的議會完全不同，希望下屆議會能有所改善、重歸民生議題。
工聯會立法會議員黃國健坦言，他自2008年成為議員至今，對立法會不停「墮落」的狀況愈覺唏噓。他回想剛加入議會時，所有議員都很尊重其身份和會按《議事規則》辦事，當年時任財會主席的民主黨劉慧卿亦十分公正，處理財務建議的效率亦很快，反觀現時議會處理任何一個議案都需耗費不少時間。
他直言：「有點樣嘅選民就有點樣嘅議會。」近年港人愈趨激進，議員行為亦愈加偏激，令議會步履維艱，並坦言走到今日一步實在不易，「只怕一年比一年難捱，雖然現實好難，但希望下屆議員可以回復理性。」
對工聯會一直關注的勞工議題，他指樂見產假等勞工政策有很大進展，但對未能取消強積金對沖和劃一勞工及公眾假期感遺憾。
根據每屆立法會的慣例，全體議員都會在最後一次會議結束後拍攝大合照，惟攬炒派今次拒絕與建制派在會議廳內合照。
責任編輯：Iris