【文匯網訊】(香港文匯網 記者 植毅儀)英皇電影《紅海行動》票房繼續看漲，香港票房有望接近一千萬。導演林超賢下午到旺角朗豪坊為電影謝票。談到內地票房錄得36億3千萬人幣，林導表示：「內地起碼會上映到15號，之前畀啲荷里活電影打低，排片量亦減咗，但我們又再攀番上來，每日進賬5、6百萬(人民幣)，我個人希望落畫過到36.5億啦。」
日前林超賢到訪馬來西亞，為籌拍英皇新片《緊急救援》(暫名)睇景：「剛在馬來西亞睇景回來，遲啲仲會去比利時、馬爾他及墨西哥等地，然後再去美國。墨西哥果邊地方海邊都搭建咗大型片廠，比利時嗰度有個36米深的人工海底。演員事前要接受游水訓練，男主角彭于晏聽到都咋舌，佢胸前咁偉大，肺容量都有番咁上下，起碼可以閉氣分幾兩分鐘。」
林導坦言由於搭景及演員訓練需時，故會將原本8月開鏡押後到年底，除彭于晏外，其他角色未定，但會加入愛情戲份。不過由於拍攝期起碼5個月，故不排隊與《紅》片一樣起用多張新面孔，林超賢說：「製作費則約5億，今次幕後團隊都會起用美國專業人員，鮑德熹亦會加盟，所以製作費一定貴。」
責任編輯：京辰