【文匯網訊】青年新政游蕙禎在議事廳公然辱華觸怒全城，最終更開被DQ先例，相信大家記憶猶新。潛伏已久的她近日有「新搞作」，其社交網站竟然換了一張身穿漢服的相作為頭像，還故意挑起「網上罵戰」。
穿漢服演漢奸
鄭晴留意到，一個名叫「袁健恩」的男子留言「鬧」游蕙禎：「支那禎不認自己是中國人別穿中國人的衣服。」又用簡體字稱「你們這些港毒賣國賊不配做咱們中華兒女，憑什麼評論咱們的8000年文化。」有人就質疑「袁健恩」是「無間道」。
留意開政治新聞的人都知，這個「袁健恩」做過青年新政義工，與游蕙禎好熟，曾一度傳佢會作為「Plan B」出戰九龍西補選，今次留言惹罵戰，純粹是一場無聊騙局。見到罵戰愈搞愈大，袁健恩都喺留言貼返張同游蕙禎嘅合照相補鑊，一班盲撐游蕙禎的網民先發覺原來是鬧劇一場，即時收聲。
袁健恩今次嘅舉動，真是令人大開眼界，鄭晴發覺原來這個世界無腦嘅網民真系唔少，見到人寫簡體字，就不假思索地認定對方是內地人，有理無理破口大罵。而且網上嘅所謂「五毛」，亦好可能是別有用心嘅人假扮，然後用各種各樣嘅手段製造兩地矛盾，「港獨」分子嘅政治炒作就是這樣來的。
作者：鄭晴
責任編輯：劉雲
