【文匯網訊】大公文匯全媒體報道：人稱「戴妖」嘅戴耀廷出獄後大張旗鼓搞開嘅攬炒派初選，仲未正式開始就出現內訌。口口聲聲話大家之間已形成「信任」，但攬炒派各懷鬼胎，利益當前邊有信任可言？日前數十個攬炒派中人喺facebook公開簽「抗爭派立場聲明書」，圍攻初選「大台」，勢要自成一派，「逼宮」啲有利益分歧嘅攬炒派「戰友」。
呂智恆仲喺facebook發文拆台，話「泛民初選」機制已變成另一個「民動大台」，「我唯有杯葛！」佢話自己同多位素人曾明確表示需要簽署有約束力嘅「共同綱領」，以防有人變節，否則也沒有必要初選。佢更聲稱自己寧選擇做戴耀廷口中的「蠢人」，也不願成為面目模糊的政客，並與「手足」齊上齊落。可見攬炒派為咗爭取選民，不惜踩住對方上，打到不可開交。
（大公文匯全媒體新聞中心供稿）
責任編輯：Minna