【文匯網訊】(香港文匯網 記者 梁靜儀)黃子華七月於紅館舉行的最後一次棟篤笑《金盆𠺘口》掀起全城搶飛熱潮，由原先17場，加開9場至26場，加場門票於今日早上十點正式公開售票，不少市民一早到其中一個售票處尖沙咀通利琴行排隊購票，超過200人冒雨排隊，出現長長輪候人龍。排頭位的南亞裔人士更早於今個月9號來排練買票，早一晚更帶埋BB來排通宵，直言希望轉售門票賺奶粉錢。
早上九時有琴行職員到場開卷閘拉起圍欄維持秩序，半小時後再有兩名警員到場視察，購票人龍尾排到後巷，而排頭廿幾位的都是南亞裔人士，其中更有人手抱BB排隊。
今個月9號已來排隊、更排到頭位的南亞裔人士ALFA，早一晚帶埋BB來排通宵。她以一口流利廣東話說：「想買兩張880元既飛，(自己睇?)係幫人買，嗰個人一陣過嚟，未見過對方，自己出錢買住先，冇諗過買幾多錢，賺到幾多錢，最緊要夠錢買奶粉，有奶粉錢。」亦有不少人連工都唔返，帶埋阿媽請假去排隊買飛。
責任編輯：京辰